«Отче наш» на удмуртском языке. «Отче наш» удмурт кылын:
«Э. Инмысь Атаймы! Тынад Нимыд дано мед луоз!
Тынад Эксэйлыкед мед лыктоз музъем вылын но Инмын кадь ик.
Милемлы туннэ улымон няньдэ сёты, пунэмъёсмес но кушты,
милемлы пунэмо луисьёслэсь пунэмъёссэс ми куштэм кадь ик.
Милемыз визь сынаськонлэсь но утьы, уродлэсь но мозмыты милемыз!»
Символ веры/ Осконэз тодытыса веран. «Верую»/ «Оскисько» на удмуртском языке:
«Оскисько одӥг Инмар Атайлы, Дунне Кутӥсьлы, Инэз но музъемез, вань адскись но адскисьтэжм макеосты кылдытӥсьлы.
Одӥг Кузё-Инмарлы Иисус Христослы, Одӥгназ вордӥськем Инмарлэн Пиезлы, вань вапумъёслэсь азьвыл Атайлэсь вордскемлы; Югыт Югытлэсь, зэм Инмар зэм Инмарлэсь, вордскемын, кылдытэмын ӧвӧл, Атаен одӥг кадь, Со пыр ваньмыз лэсьтэмын-пуктэмын.
Ми, адямиос понна, милям утиськоинмы понна, Инмысь васькыса, Святой Духлэсь но Мария Нылмуртлэсь мугор басьтэм но адями луэмлы;
Ми понна Понтий Пилат дыръя кирос борды кортӵогамын, курадӟемлы, кулыса ватэмлы.
Но, Святой Гожтэмъя, куинетӥ нуналаз кулэмысь улӟыса султэмлы;
Инме ӝутскемлы но Атайлэн бур палаз Пукисьлы;
Улэпъёсты, кулэмъёсты судить карыны данлыкен нош лыктонолы, Солэн Эксэйлыкезлэн пумыз уз луы.
Святой Духлы, Кузё-Инмарлы, улон сётӥсьлы, Атай бордысь потӥсьлы. Атаен но Пиен огкадь йыбыртъянолы, данъянолы, пророкъёс пыр верасьлы.
Одӥг гинэ Дун-Сьӧлыктэм, дунне вылысь соборен люкаськемъёслэн, апостолъёслэн Черксылы.
Сьӧлыкъёсты быдтонын одӥг пол гинэ пылатонэз кулэ карыса верасько.
Кулэм муртъёслэсь улӟыса султонзэс витьыса улӥсько,
Вуоно вапумысь бырисьтэм улонэз но. Аминь».
